04
қараша
2022
Педагогикалық кеңес
Алматы қаласы Алмалы ауданы 67 жалпы білім беретін мектептегі кезекті педагогикалық кеңес "Оқушылардың жан-жақты дамуына тәлім-тәрбиенің ықпалы" тақырыбында өтті. Педагогикалық кеңесті мектеп директоры ашып, күн тәртібімен таныстырды. 1- бөлімінде директордың оқу ісі жөніндегі орынбасары Кабланбекова Г.К. 1- тоқсандағы білім сапасына талдау жасады. Содан кейін мектептің педагог- психологі 5- сыныптардың орта буынға бейімделуін зерттеу нәтижесімен бөлісті. 2- бөлімінде тәрбие ісі жөніндегі орынбасар Ж.С.Найзабекованың ұйымдастыруымен, аға тәлімгер А.Е.Махмутова, сынып жетекшілер Ж.Е.Тастекова, М.Тұрсынғалиқызы өздерінің іс-тәжірибелерімен бөлісті. Оқушылардың жан-жақты дамуына тәрбиенің ықпалы туралы бейнеороликтер көрсетіліп, оқу сауаттылық тапсырмалары берілді. Коучинг мұғалімдердің кері байланыстарымен қорытындыланды. Педагогикалық кеңес психолог С.Сағындықтың әсерлі релакс жаттығуымен аяқталды. Әріптестеріміздің риза болып, көңіл- күйлері көтеріліп, жаңа мотивация алғандығы көздерінен байқалып тұрды. Істеріңізге сәттілік болсын!