Оқушылардың асханада өзін-өзі ұстау ережелері.

Оқушылардың асханада өзін-өзі ұстау ережелері

Оқушыларға ақпарат

Асханада әрқашан балалар да, үлкендер де көп болады, себебі бәріне 10-15 минут ішінде тамақтанып алуға үлгеру қажет. Сол себепті мұнда белгілі бір ережелерді сақтап жүрген абзал:

• Асханаға асықпай барған дұрыс, сыныппен бірге тағайындалған уақытта барыңыз.
• Үстел басында орын аламын деп асханаға жүгіріп кірудің және соның кесірінен басқа оқушыларды итермелеудің қажеті жоқ.
• Кезекке тұруды әдетке айналдырыңыз.
• Асханада жүрген кезде құлап қалмас үшін аяқ астына қарап жүріңіз.
• Үстел басына отырмас бұрын қолды жууды ұмытпаңыз.
• Өзіңізді не біреуді жарақаттап алмас үшін шанышқыны пайдаланған кезде сақ болыңыз.
• Ыстық сорпа не шайды өзіңізге не болмаса көршіңіздің үстіне төгіп алмаңыз.
• Үстел басында тік отырыңыз, аяқты айқастырып отырмаңыз, көршіңізді итермеңіз және шынтақты үстел үстіне қоймай отырыңыз.
• Тамақ ішу барысында тыныштық сақтаңыз; қатты сөйлемеңіз және тамақты тамсанып, шылпылдатып жемеңіз, ыстық асты үрлемеңіз, шанышқымен не болмаса қасықпен кесені не тарелкені тықылдатпаңыз.
• Ас үй құралдарымен дұрыс пайдаланыңыз: қасық пен шанышқыны орынды қолданыңыз.
• Былғанып қалсаңыз, қағаз майлықты не қолорамалды қолданыңыз.
• Жерге бір нәрсе құлатып алған жағдайда тазалық сақтаңыз: дереу көтеріп, қоқыс жәшігіне тастаңыз.
• Мектеп аспаздарының сіз үшін дайындаған тағамы жөнінде жаман сөз айтпаңыз, егер тағам дәмсіз көрінсе, пікір білдірудің қажеті жоқ.
• Тамақ ішіп болған соң ыдысты жинауды ұмытпаңыз.
• Әдепті болғаныңыз жөн: сыныптастарыңызға «Ас болсын!» айтуды ұмытпаңыз және асхана қызметкерлеріне алғыс білдіріңіз.