Алматы қаласы, Алмалы ауданы №67 жалпы білім беретін мектепте тілдер онкүндігінің мектепішілік жоспарына сәйкес 06.09.2022ж.күні «Тіл - халық қазынасы»тақырыбында  көрме ұйымдастырылды.Мектеп оқушылары арнайы көрмені тамашалады.  Онда  тілді дамытуға қатысты  жарық көрген көптеген әдістемелік  материалдар мен ана тіліміздің мәр тебесін артыруға бағытталған кітаптар,буклеттер қойылды.

Атадан балаға мирас болып қалған баға жетпес мұраны дәріптеу мақсатында  Алматы қаласы, Алмалы ауданы №67 жалпы білім беретін мектепте 05.09.2022ж.күні тілдер мерекесіне арналған онкүндіктің ашылуы өткізілді.Болашағымызды баянды етер басты қаруымыз - тіліміз. «Адамға екі нәрсе тірек тегі, Бірі - тіл, бірі - ділің жүректегі» - деп Жүсіп Баласағұн бабамыз айтқандай, кез келген мемлекеттің, елдің ең негізгі рәмізі де, ұраны да, тірегі де сол елдің ана тілі болмақ.

Мемлекет басшысы Қасым-Жомарт Кемелұлы Тоқаевтың 01.09.2022 ж. Қазақстан халқына жолдауын Алмалы ауданы № 67 жалпы білім беретін мектеп ұжымы тікелей эфирден тыңдап, айтылған мәліметтермен толық таныс болды. Президент жолдауын қолдап, өз пікірлерін білдірді.

01.09.2022 жылы Алматы қаласы Алмалы ауданы № 67 жалпы білім беретін мектепте учаскелік полиция инспекторы майор Жандарбеков Жолбарыс оқушыларды жаңа оқу жылымен құттықтап, "Жасөспірімдер арасында құқықбұзушылықтың алдын-алу жолдары" тақырыбында құқықтық дәріс оқыды.

Алматы қаласы Алмалы ауданы № 67 жалпы білім беретін мектепте 2022 жылы "Балалар жылына" орай 1 қыркүйек Білім күніне арналған салтанатты жиын өтті. Салтанатты жиын "Білімге ұмтылу, еңбексүйгіштік және Отаншылдық қасиет" тақырыбында бірыңғай сынып сағаттары өтілді. Ұстаздарымызға шығармашылық табыс, оқушыларымызға саналы тәрбие, сапалы білім тілейміз.  

Білім күні – бұл ең алғашқы қоңырау, ең алғашқы сабақ , әлем сабағы. Мектеп табалдырығын ең алғаш рет аттаған балалар үшін бұл өте маңызды, көпткен күткен күн. Алғашқы қоңырауға жиналғандарды №67 мектеп басшысы Демеуова Бейбітгүл Нұрахметқызы құттықтап, білім жолын бастаған шәкірттерге сәтті қадам тіледі.  1 – қыркүйек мерекесі әрқашанда көңілді және ұмытылмас мереке. Оқушылар мен мұғалімдерге жаңа табыс , шығармашылық тілейміз.  

“Судағы өмір қауіпсіздігі” тақырыбында 5-7 сыныптар арасында судағы қауіпсіздік шаралары туралы сынып сағаттары өткізіліп, шығарма жазу тапсырмасы берілді.